الســلام علــيكم ورحمة الله وبركاته
قبل أن ابدا بس حبيت اقول لكم اني ما ادعي التخصص في الصرقعة ولا ازكي نفسي واخذ بنفسي مقلب بس من خلال تجربتي ابحاول اطرح لكم بعض الاشياء التي من الممكن ان تسوي منك مصرقع مهبوول منسم ويمكن تطلع محشش ومميز بعد افلقني ياشيخ
إذا كنت جديد على المصرقعين والمهابيل بشكل عام اتبع الآتي :-
1- قراءة مواضيع المصرقعين المميزين والتركيز على النقاط التي تجذب القارئ وهذي تعرفها عن طريق الردود شف وش اللي عجب القارئ بالموضوع وركز عليه
2- اقراء المواضيع وفصفصها حتى لو كانت طويلة ولا تملل منها واذا قصدك الفاتورة سو قطع للاتصال واقراء على كيفك وبعدها رجع الاتصال او احفظ الموضوع عندك بالجهاز واقراه متى ما كنت فاضي
3- لا يمنع تقليد بعض المصرقعين بطريقة كتاباتهم بافكارهم بس ماهو تسرق الموضوع كله وتجي تقول اقلدهم
تحسون اللي يسويها من جد خبل
وانت تقلدهم علشان تصقل موهبتك هذا اذا كانت عندك موهبة واذا ما كانت عندك موهبة فانت بتصقل جبهتك اللي كنها مواقف سيارات
4- تقبل جميع الردود بصدر رحب حتى لو كانت تحمل بعضا من التعليق الجاف او النقد زي ما يسمونه او اذا عللق احدهم عليك بقووة فكن عاقلن وتقبلها ورد عليه التعليقة بس من دون تجريح يعني ترد عليه بفن
اذا بغيت تكتب موضوع فكر بها الامور هاذي قبل ماتكتب
1- خل هدفك من الموضوع الوناااسة وسعة الصدر وبس .
2- للتميلح بس من دون هدف اخر.
3- فكر بالصعود بموضوعك الى المميزه .
4- بالشهرة وتكون مشهور عند كل الاعضاء ويعرفونك ويعرفون كتاباتك ويصيرون يدخلون على مواضيعك حتى لو انها بالعام والا بالرياضة لانهم يبي يحسون انك مسوي شيء وتبي تكون مشهور ماهو بس بالمنتدى هنا لان المنتدى يبي يجيه زوار واكيد يبي يشوفون الموضوع ويبي يعجبهم وبيسرقونه ويحطونه باساميهم وبكذا تكون انشهرت لما تلاقي موضوع من مواضيعك باحد المواقع الثانية باسم ثاني
واكتب اللي براسك ماهي مشكلة اول مرة راح تخطي ويكون موضوعك ثقيل دم بس مع الوقت راح تلاقي نفسك تطورت تطور ماهو صاحي
اذا نجحت واثبت نفسك وصرت معروف بالهبال والتحشيش اتبع هالطرق التاليه :-
1- خلك حريص على عدم التكرار في افكار المواضيع لانهم راح يدرون ان اللي عندك وقف وما راح تجيب شيء جديد
2- اترك عنك سرقة الافكار من فلان وعلان
3- لاتحرص تنزل موضوعين او ثلاثه في اقل من اسبوع لانك تستهلك نفسك في وقت قصير والاعضاء راح يملونك كل يوم وانت بوجههم خلك شوي تسوي شوق لمواضيعك ويحترونها متى تجي
4- احترام الاعضاء والتعامل مع العضو الجديد مثل التعامل مع العضو القديم لانه
بيوم من الايام بيصير عضو قوي ويمكن يكون احسن منك وتخسره بسبة غرورك .
5- حاول ترفع مستوى مواضيعك الى اقصى حد ممكن لان ماهو صعب انك تصل القمة الصعب هو انك تبقى فيها .
بنهاية الموضوع اتمنى اني قربت الصورة للاعضاء اللي يبي يكتبون
وصدقوني كنت ادج منكم ولا اعرف كيف اجمع كلمتين على بعض بس مع التعليق وتطييح الوجه اللي لقيته صرت اعرف اسوي افكار واعرف اكتب مواضيع..
...
ياللهـ تتششششششششىآآو
الثلاثاء يونيو 10, 2008 4:12 am
